ⵉⵙⵏⵓⴱⴳ ⵓⵙⵖⵉⵎ ⵏ ⵜⵏⴱⴰⴹⵜ ⵏ ⵜⵙⴳⴰ ⵏ ⵜⵉⵟⵟⴰⵡⵉⵏ, ⴰⵙⵙ ⵏ ⵓⴽⵡⴰⵙ 27 ⴱⵕⴰⵢⵕ 2025, ⵜⴰⵙⵎⵉⵍⵜ ⵜⵉⵙⵙ ⵙⵉⵎⵔⴰⵡⵜ ⵏ ⵓⵙⵇⵇⵉⵎ ⴰⵏⴱⴱⴰⴹ ⵏ ⵜⵙⵏⵓⵔⴰⵢⵜ ⵜⴰⵖⵔⵎⴰⵏⵜ ⵏ ⵜⵉⵟⵟⴰⵡⵉⵏ, ⵙ ⵜⵏⴱⴰⴹⵜ ⵏ ⵎⴰⵙⵙ ⴰⵎⴰⵔⴰ ⴰⵎⴰⵜⴰⵢ, ⴰⵎⴰⵣⴰⵏ ⵏ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴱⴱⴰⴹ; ⵜⴰⵎⴰⵡⴰⵙⵜ ⵏ ⵓⵙⵖⵉⵡⵙ ⵏ ⵡⴰⴽⴰⵍ ⴰⵏⴰⵎⵓⵔ, ⴷ ⵓⵙⵖⵉⵡⵙ ⴰⵖⵔⵎⴰⵏ, ⴷ ⵜⵣⴷⵓⵖⵜ, ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ; ⵙ ⵜⵉⵍⵉⵜ ⵏ ⵎⴰⵙⵙ ⴰⵎⴰⵔⴰ ⴰⵎⴰⵜⴰⵢ ⵏ ⵜⵙⴳⴰ ⵏ ⵜⵉⵟⵟⴰⵡⵉⵏ, ⴷ ⵎⴰⵙⵙ ⴰⵎⴰⵔⴰ ⴰⵎⴰⵜⴰⵢ ⵏ ⵜⵏⴱⴰⴹⵜ ⵏ ⵍⵎⴹⵉⵇ-ⵍⴼⵏⵉⴷⵇ, ⴷ ⵉⴳⵎⴰⵎⵏ ⵏ ⵓⵙⵇⵇⵉⵎ ⴰⵏⴱⴱⴰⴹ, ⵉⵍⵍⴰⵏ ⴳ ⵉⵏⵙⵙⵉⵅⴼⵏ ⴷ ⵉⵎⴰⵣⴰⵏⵏ ⵏ ⵜⵎⵓⵏⵉⵏ ⵜⵉⴽⴰⵍⴰⵏⵉⵏ ⴷ ⵉⵎⴰⵣⴰⵏⵏ ⵏ ⵉⵎⵥⵍⴰⵢⵏ ⵉⴱⵕⵕⴰⵏⵉⵢⵏ ⵏ ⵜⵙⴳⴰ ⴷ ⵏ ⵓⵏⵙⴰ ⴰⴽⴰⵍⴰⵏ ⵏ ⵜⵙⵏⵓⵔⴰⵢⵜ.

ⴳ ⵡⴰⵡⴰⵍ ⵏⵏⵙ ⵏ ⵓⵍⴷⴰⵢ, ⵉⵙⵙⵏⵜⵎ ⵎⴰⵙⵙ ⴰⵏⵎⵀⴰⵍ ⴰⵎⴰⵜⴰⵢ ⵎⴰⵙ ⴰⵙⵇⵇⵉⵎ ⴰⴷ ⵉⵜⵜⵎⵏⵉ ⴳ ⵓⵙⴰⵜⵉ ⵉⵜⵜⵡⴰⵙⵙⵏⴻⵏ ⵙ ⵓⴽⵎⵎⴻⵍ ⵏ ⵓⵙⵏⵙⵉ ⵏ ⵉⴳⵎⴰⴹ ⵏ ⵓⵎⵙⴰⵡⴰⵍ ⴰⵏⴰⵎⵓⵔ ⵅⴼ ⵓⵙⵖⵉⵡⵙ ⴰⵖⵔⵎⴰⵏ ⴷ ⵜⵣⴷⵖⵜ, ⵉⴳ ⵙ ⵓⵙⵎⴰⵢⵏⵓ ⵏ ⵓⵏⴳⵔⴰⵡ ⵏ ⵓⵖⴰⵡⴰⵙ ⴰⵏⴰⵎⵓⵔ ⴷ ⵓⵙⵎⵓⵇⵇⵓⵍ, ⵏⵖ ⵓⵙⵜⴰⵢ ⵏ ⵜⵏⴱⴰⴹⵜ ⵜⴰⵏⴱⴷⴰⴷⵜ ⵜⴰⵎⴰⵢⵏⵓⵜ, ⵏⵖ ⵓⵙⵏⴽⴰⵔ ⵏ ⵓⵖⴰⵡⴰⵙ ⵏ ⵓⵙⴷⵓⵙ ⵏ ⵜⵣⴷⵖⵜ, ⵏⵖ ⴰⵡⴷ ⵙ ⵉⵖⴰⵡⴰⵙⵏ ⵏ ⵓⵙⵎⴰⴷⴰⵙ ⵏ ⵉⵎⵓⴽⴰⵏ ⵉⵖⵔⵎⴰⵏⵏ ⴷ ⵉⴼⴰⵔⴰⵏⵏ.

ⵉⵙⵙⴽⵜⵉ ⴷⴰⵖ ⵓⵎⵙⵙⵉⵡⵍ ⵏ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵙ ⵓⵙⵏⵓⴽⵎⵓ ⵉⴷⵔⵓⵙⵏ ⵉⵍⵍⴰⵏ ⴳ ⵜⵎⵏⴰⴹⵜ ⵏ ⵟⴰⵏⵊⴰ-ⵟⵉⵟⵟⴰⵡⵏ-ⵍⵃⵓⵙⵉⵎⴰ ⵙ ⵓⵎⴰⵜⴰ, ⴷ ⴰⴽⴰⵍ ⵏ ⵜⵙⵏⵓⵔⴰⵢⵜ ⵜⴰⵖⵔⵎⴰⵏⵜ ⵏ ⵟⵉⵟⵟⴰⵡⵏ ⵙ ⵓⵥⵍⴰⵢ, ⵙ ⵜⵎⵓⵖⵍⵉ ⵉⴼⴰⵡⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ. ⴳ ⵡⴰⵏⵏ, ⵉⵖⵔ ⵉ ⵜⵙⵏⵓⵔⴰⵢⵜ ⵜⴰⵖⵔⵎⴰⵏⵜ ⴰⴷ ⵜⵙⵉⵎⵖⵓⵔ ⵜⵉⵥⵥⵉⵟⴰⵏ, ⵙ ⵓⵎⵙⴰⵙⴰ ⴷ ⵜⵏⴱⴰⴹⵉⵏ ⵜⵉⴷⵖⵔⴰⵏⵉⵏ ⴷ ⵜⵎⵔⵙⵍⵉⵏ ⵉⵜⵜⵓⴼⵔⴰⵏⵏ, ⴰⴼⴰⴷ ⴰⴷ ⵜⵇⴰⴱⵍ ⵉⵎⵙⵏⵉⴹⵏ ⵉⵎⵉⵔⴰⵏⵏ ⴷ ⵉⵎⴰⵍⵍⴰⵏⵏ ⵙ ⵓⵙⵎⵔⵙ ⵏ ⵜⴰⵏⵏⴰⵢⵜ ⵉⵙⵎⴰⵢⵏⵓⵏ ⵏ ⵓⵙⴳⴳⵯⵎ ⴰⵎⴷⵖⴰⵔ, ⴷ ⵓⴽⵎⵎⵍ ⵏ ⵜⵥⵥⵉⵟⴰⵏ ⵏ ⵓⵙⵉⵎⵖⵓⵔ ⵏ ⵓⴷⵍⵍⵉ ⵏ ⵜⵎⵙⵍⴰⵢⵉⵏ ⵏ ⵓⵙⵖⵔⵎ, ⴷ ⵓⵙⵎⴷ ⵏ ⵜⵣⵔⴰⵡⵉⵏ ⵏ ⵓⵃⵟⵟⵓ ⵏ ⵡⴰⵢⴷⴰ ⴰⵎⵣⵔⵓⵢ ⴷ ⵓⵙⴽⴰⵏ ⴷ ⵓⵎⵓⵏⴷⵓ, ⵙ ⵓⵙⵉⴷⴼ ⵏ ⵜⵉⵍⴰⵍ ⵜⴰⵎⵣⴷⵖⵜ ⴳ ⵜⵣⵔⴰⵡⵉⵏ ⵏ ⵓⵙⵖⵔⵎ ⴷ ⵓⵙⵏⴼⵍⵓⵍ ⴷ ⵓⵙⵏⵎⴰⵍⴰ ⵏ ⵓⵎⴰⴹⴰⵍ ⴰⴼⵍⵍⴰⵃ.

ⴰⵙⵏⵜⵉ ⵏ ⵜⵡⵓⵔⵉ ⵏ ⵜⴰⴳⴳⴰⵍⵜ ⵉⵜⵜⵡⴰⴼⴽⴰ ⵉ ⵓⵙⵏⵎⵍ ⴷ ⵓⵙⵏⵎⴰⴹⴰⵍ ⵏ ⵉⵏⵇⵇⵉⵙⵏ ⵉⵎⴰⵔⴰⵏ ⴷ ⵉⵎⴰⴷⴷⴰⵢⵏ ⵏ ⵜⵙⵏⵓⵔⴰⵢⵜ ⵜⴰⵖⵔⵎⴰⵏⵜ ⵏ ⵉⵙⴳⴳⵯⴰⵙⵏ 2023 ⴷ 2024, ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏⵏⵙ ⵏ ⵓⵙⴳⴳⵯⴰⵙ 2025. ⵜⴰⵏⵎⵀⴰⵍⵜ ⵏ ⵜⵙⵏⵓⵔⴰⵢⵜ ⵜⴰⵖⵔⵎⴰⵏⵜ ⵏ ⵟⵉⵟⵡⴰⵏ, ⵙ ⵓⵙⵏⵎⵍ ⵏⵏⵙ, ⵜⵙⵏⴱⴳⴰⴷ ⵉⵎⵙⵎⴰⵍⵏ ⵉⵎⵣⵡⵓⵔⴰ ⵏⵏⴰ ⵜⵙⴽⵍⵙ ⵜⵙⵏⵓⵔⴰⵢⵜ ⴳ ⵓⵙⵖⵉⵡⵙ ⴷ ⵓⵙⴼⵙⵔ ⴰⵖⵔⵎⴰⵏ, ⴷ ⴳ ⵓⵙⵎⴰⵢⵏⵓ ⵏ ⵜⵏⴱⴹⴰⵢⵜ ⴷ ⵓⵙⴱⴷⴷⵉ ⵏ ⵉⵙⵏⴼⴰⵔⵏ ⵏ ⵜⵏⴱⴰⴹⵜ ⴷ ⵓⵎⵢⴰⵡⴰⴹ.

ⴳ ⵓⵙⵡⵉⵔ ⵏ ⵓⵖⴰⵡⴰⵙ ⴰⵖⵔⵎⴰⵏ, ⵜⵉⵎⵙⵙⵓⵔⵉⵏ ⵏ ⵜⵎⵀⵍⴰ ⵜⴰⵖⵔⵎⴰⵏⵜ ⵏ ⵜⵉⵟⵟⴰⵡⵉⵏ ⴳ ⵉⵙⴳⴳⵯⴰⵙⵏ 2023 ⴷ 2024 ⵜⵜⵓⵙⵎⵖⵔⵏⵜ ⵙ ⵓⵙⵏⴽⵔ ⵏ ⵓⵖⴰⵡⴰⵙ ⴰⵎⴰⵏⴰⵔ ⵏ ⵓⵙⵖⵉⵡⵙ ⴰⵖⵔⵎⴰⵏ (SDAU) ⵏ ⵜⵙⴳⴰ ⵏ ⵛⴰⵡⵏ, ⴷ ⵓⴹⴼⵕ ⵏ ⵓⵙⵏⵎⴰⵍⴰ ⵏ ⵓⵖⴰⵡⴰⵙ SDAU ⵏ ⵜⵉⵟⵟⴰⵡⵉⵏ ⵜⴰⵎⵇⵇⵔⴰⵏⵜ, ⴷ ⵓⵙⵉⴹⵏ ⵏ 05 ⵏ ⵉⵙⵎⵉⵍⵏ ⵏ ⵓⵖⵔⵎ, ⴷ ⵓⵙⵙⵏⵜⵍ ⵏ 03 ⵏ ⵉⵙⵎⵉⵍⵏ ⵏ ⵓⵖⵔⵎ ⵖⵔ ⵓⴽⴰⵜ ⵏ ⵓⵙⵉⴹⵏ, ⴷ ⵓⵙⵏⵎⴰⵍⴰ ⴷ ⵓⴹⴼⵕ ⵏ 28 ⵏ ⵓⵙⵎⵉⵍ ⵏ ⵓⵖⵔⵎ. ⵙ ⵓⵢⴰ, ⴰⵙⵎⵉ ⵏ ⵜⵓⴳⵜ ⵏ ⵜⵎⴷⵉⵏⵉⵏ ⵜⵉⵎⵇⵇⵔⴰⵏⵉⵏ, ⵜⵉⵎⵏⴰⴹⵉⵏ ⵉⵣⵣⴳⵏ ⵉ ⵜⵎⴷⵉⵏⵉⵏ ⴷ ⵜⵎⵏⴰⴹⵉⵏ ⵏ ⵉⴼⵜⴰⵙⵏ ⵉⵡⴹ 100%, ⵎⴰⵛⴰ ⵡⵉⵏ ⵎⴰⵕⵕⴰ ⴰⴽⴰⵍ ⵏ ⵜⵎⵀⵍⴰ ⵜⴰⵖⵔⵎⴰⵏⵜ ⵏ ⵜⵉⵟⵟⴰⵡⵉⵏ ⵉⴳⴰ 96,3%.

ⴷ ⵙ ⵓⵎⵙⴰⵙⴰ ⴷ ⵜⵏⵖⵎⴰⵙⵉⵏ ⵜⵉⵏⴰⴼⵍⴰⵏ ⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ-ⵉⵄⴰⵡⵏ ⵕⴱⴱⵉ, ⵉⵔⴰⵏ ⴰⴷ ⵉⵃⴹⵓ ⴰⵢⴷⴰ ⴰⴷⵍⵙⴰⵏ ⴷ ⵓⵎⵙⵙⵏⵜⴰⵢ ⴷ ⴰⴷ ⵜ-ⵉⵙⵙⴰⵍⵉ, ⴷ ⴳ ⵓⴽⴰⵜⴰⵔ ⵏ ⵓⵖⴰⵡⴰⵙ ⴰⵎⵍⵉⵍⵉ ⵏ ⵓⵙⵙⵎⵙⴰⵙⴰ ⴷ ⵓⵙⵙⵉⵍⵉ ⵏ ⵜⵎⴷⵉⵏⵜ ⵜⴰⵇⴱⵓⵔⵜ ⵏ ⵛⴻⴼⵛⴰⵡⵏ, ⴷ ⵓⵍⴰ ⴰⵙⵎⵓⵙⵙⵓ ⵏ ⵜⵎⵢⴰⵇⵇⴰⵏⵜ ⵏ ⵓⵎⴷⵔⴰⵡ ⵉⵜⵜⵡⴰⵖⴰⵡⴰⵙⵏ ⴳ ⵓⵢⴰ, ⵉⵜⵜⵡⴰⵍⵍⴰⵍ ⵡⴰⵃⵕⵉⴼ ⵡⵉⵙ ⴽⴽⵓⵥ ⴷ ⴰⵏⴳⴳⴰⵔⵓ ⵏ ⵜⵡⵓⵔⵉⵡⵉⵏ ⵏ ⵓⵙⵎⵙⴰⵙⴰ ⴷ ⵉⵜⵜⵡⴰⴽⵎⵍ ⴳ ⵓⵙⴳⴳⵯⴰⵙ 2024, ⵉⵙⵎⵓⵏ ⵜⴰⵎⵏⴰⴹⵜ ⵉⵣⴳⵉⵔⵏ ⵙⴳ ⵜⵙⵔⵉⵜ ⵏ ⵡⴰⵟⴰ ⵍⵃⵎⵎⴰⵎ ⴰⵔ ⴱⴰⴱ ⵍⵄⵉⵏ.

ⴳ ⵢⵉⴳⵔ ⵏ ⵓⵙⵙⵓⴳⴳⵓⵔ ⴰⵖⵔⵎⴰⵏ, ⵜⵙⵙⵍⵎⴷ ⵜⵙⵏⵓⵔⴰⵢⵜ ⵜⴰⵖⵔⵎⴰⵏⵜ ⵏ ⵟⵉⵟⵟⴰⵡⵏ, ⴳ ⵉⵙⴳⴳⵯⴰⵙⵏ 2023 ⴷ 2024, 3786 ⵏ ⵓⴽⴰⵕⴰⵚ, ⵙⴳ ⵉⵍⵍⵉⵏ 2819 ⵏ ⵓⴽⴰⵕⴰⵚ ⵓⵎⵉ ⵉⵜⵜⵓⴼⴽⴰ ⵕⵕⴰⵢ ⴰⵎⵙⵇⴰⴷ, ⴰⵡⴷ ⵙ ⵓⵙⵎⵉⵍ ⵏ 74 %. ⴳ ⵢⵉⴳⵔ ⵏ ⵓⵙⴹⴼⴰⵕ ⵏ ⵓⵙⴽⴰ ⴷ ⵓⵃⵟⵟⵓ ⵏ ⵉⵎⵙⴱⴰⴹⵏ, ⵜⵜⵡⴰⵙⴽⴰⵔⵏⵜ ⵙ ⵓⵎⴰⵜⴰ 727 ⵏ ⵜⵉⵏⵉⴳⵉⵡⵉⵏ, ⵉⵍⵍⴰⵏ 1334 ⵏ ⵓⵡⵔⵛ.

ⵅⴼ ⵎⴰ ⵉⵇⵇⵏⵏ ⵙ ⵉⵎⵓⵙⵙⵓⵜⵏ ⵏ ⵡⴰⴽⴰⵍ ⴷ ⵉⵣⵔⴼⴰⵏ, ⵜⴼⴽⴰ ⵜⵙⵏⵓⵔⴰⵢⵜ ⵜⴰⵖⵔⵎⴰⵏⵜ ⵏ ⵜⵉⵟⵟⴰⵡⵉⵏ ⴰⵎⴹⴰⵏ ⵏ 3448 ⵏ ⵜⴰⵣⵎⵎⴰⵎⵜ ⵏ ⵜⵏⵏⴰⵢⵉⵏ ⵜⵉⵖⵔⵎⴰⵏⵉⵏ. ⵅⴼ ⵜⵉⵔⴰⵙ ⵏⵏⴰ ⴷ ⵜⵓⵎⵥ ⵜⵙⵏⵓⵔⴰⵢⵜ, 274 ⵏ ⵜⵉⵔⴰⵙ ⴰ ⵜⵜⵓⵙⵡⵓⴷⴷⵓⵏⵜ ⴳ ⵉⵙⴳⴳⵯⴰⵙⵏ 2023 ⴷ 2024.

ⵙ ⵓⵙⵏⵙⵉ ⵏ ⵉⵙⵓⴳⴰⵎ ⵏ ⵜⵎⵙⴰⵔⵜ ⵜⴰⵎⵢⴰⵡⴰⵙⵜ ⵉⵍⵍⴰⵏ ⴳⵔ ⵜⵎⴰⵡⴰⵙⵜ ⵏ ⵓⵙⵖⵉⵡⵙ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵙⵖⵉⵡⵙ ⴰⵖⵔⵎⴰⵏ ⴷ ⵜⵣⴷⵖⵜ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ ⴷ ⵜⵎⴰⵡⴰⵙⵜ ⵏ ⵓⴳⵏⵙⵓ ⵓⵟⵟⵓⵏ 160D/1049D ⵏ 28 ⵉⴱⵔⵉⵔ 2023 ⵉⵇⵇⵏⴻⵏ ⵙ ⵓⵙⴼⵙⵙⵉ ⵏ ⵜⵉⴽⵍⵉ ⵏ ⵓⴼⴽⴰ ⵏ ⵜⵙⵔⴰⴳⵉⵏ ⵏ ⵓⴱⵏⵏⵓ ⴳ ⵡⴰⵎⵎⴰⵙ ⴰⴼⴰⵔⴰⵏ, ⵜⵜⵓⵙⵔⵙⵏ ⵉⵖⴰⵡⴰⵙⵏ ⵏ ⵓⵙⵡⵓⵜⵜⵓ ⵏ ⵉⵎⵉⴹⴰⵏ ⵏ 226 ⵏ ⵓⴷⵡⵡⴰⵔ, ⵉⴷⵍⵏ ⵜⴰⵊⵓⵎⵎⴰ ⵏ 4014 ⵏ ⵓⵀⵉⴽⵟⴰⵔ, ⴳ ⵉⵎⵏⵉⴷⵏ ⵏ ⵜⵙⵇⵇⵉⵎⵉⵏ ⵜⵉⵎⵏⴰⴹⴰⵏⵉⵏ ⵉⵏⵙⵙⵉⵅⴼ ⵉⵎⵇⵇⵔⴰⵏⵏ ⵏ ⵜⵙⴳⴳⵉⵡⵉⵏ ⵏ ⵜⵉⵟⵟⴰⵡⵉⵏ ⴷ ⵛⵛⴰⵡⵏ ⴷ ⵜⵙⵎⵉⵔⵜ ⵏ ⵍⵎⴹⵉⵇ-ⵍⴼⵏⵉⴷⵇ. ⵙ ⵡⴰⵢⴰ, 23 ⵏ ⵜⴳⵔⴰⵡⵉⵏ ⵜⵉⴽⴰⵍⴰⵏⵉⵏ ⴰⴷ ⵉⵍⵉⵏ ⴷⵖⵉ ⴷⴷⴰⵡ ⵉⵖⴰⵡⴰⵙⵏ ⵏ ⵓⵙⵡⵓⵜⵜⵓ ⵏ ⵉⴷⵡⵡⴰⵔⵏ ⵉⵜⵜⵓⵙⵔⵙⵏ, ⴰⴷ ⵉⴳⴰⵏ ⵜⴰⵡⵍⴰⴼⵜ ⵜⴰⵎⴰⵜⴰⵢⵜ ⵉ ⵓⵙⵍⴽⵉⵏ ⵏ ⵜⴱⵔⴰⵜⵉⵏ ⵏ ⵓⵙⵓⵜⵔ ⵏ ⵜⵙⵔⴰⴳⵉⵏ ⵏ ⵓⴱⵏⵏⵓ, ⴱⴰⵛ ⴰⴷ ⵉⵜⵜⵓⵙⵎⴷ ⵓⵙⵉⵙⴼⵉⵡ ⵏ ⵉⵖⴰⵡⴰⵙⵏ ⴰⴷ ⵉ ⵜⴳⵔⴰⵡⵉⵏ ⵏⵏⵉⴹⵏⵉ ⴳ ⵡⴰⴽⴰⵍ ⵏⵏⵙ ⴰⵙⴳⴳⵯⴰⵙ ⵉ ⴷ ⵉⴷⴷⴰⵏ.

ⴳ ⵓⴽⴰⵜⴰⵔ ⵏ ⵓⵙⵏⴼⵍ ⴰⵎⵓⵟⵟⵓⵏ ⴷ ⵓⵙⴻⵡⵡⵓⵔⵉ ⴰⵔⵓⵎⵎⵉⴷ, ⵜⵙⵙⵏⴽⴻⵔ ⵜⵙⵏⵓⵔⴰⵢⵜ ⵜⴰⵖⵔⵎⴰⵏⵜ ⵏ ⵜⵉⵟⵟⴰⵡⵉⵏ ⵎⴻⵏⵏⴰⵡ ⵉⵙⴻⵏⴼⴰⵔⵏ ⵉⵏⴼⴻⵔⵎⴰⵜⵉⴽⵏ ⴳ ⵉⵙⴻⴳⴳⵯⴰⵙⵏ 2023 ⴷ 2024, ⴳⴻⵏ-ⴷ : ⴰⵙⵎⴰⵢⵏⵓ ⵏ ⵓⵏⴰⴼⵓⴷ ⴰⵍⵉⴽⵟⵕⵓⵏⵉ ⵏ ⵜⵙⵏⵓⵔⴰⵢⵜ ⵜⴰⵖⵔⵎⴰⵏⵜ ⵏ ⵜⵉⵟⵟⴰⵡⵉⵏ, ⴰⵖⴰⵡⴰⵙ ⵏ ⵓⵙⴻⵡⵡⵓⵔⵉ ⵏ ⵜⴻⴱⵕⴰⵜⵉⵏ, ⴰⵏⴰⴳⵔⴰⵡ ⵏ ⵓⵏⴻⵖⵎⵉⵙ ⵉ ⵓⵙⴻⵡⵡⵓⵔⵉ ⵏ ⵜⴻⴷⵔⵉⵎⵜ ⴷ ⵜⵅⵣⵉⵏ ⴷ ⵜⵉⵖⵉⵏ, ⴷ ⵓⵙⴻⵏⴼⴰⵔ ⵏ ⵓⵏⴰⴳⵔⴰⵡ ⵏ ⵓⵏⴻⵖⵎⵉⵙ ⴰⵎⴰⵙⵙⴰⵏ ⵉ ⵓⵙⴻⵡⵡⵓⵔⵉ ⴰⵖⵔⵎⴰⵏ. ⵜⴻⵟⵟⴻⴼ ⵜⵙⵏⵓⵔⴰⵢⵜ ⴰⵡⴷ ⴳ ⵓⵅⵅⴰⵎ ⵏ ⵓⵙⴻⵡⵡⵓⵔⵉ ⴰⵔⵓⵎⵎⵉⴷ ⵏ ⵜⵏⵇⵇⵉⵙⵜ ⵏ ⵉⵏⴻⵖⵎⵉⵙⵏ ⵉⵖⵔⵎⴰⵏⵏ ⵙ ⵓⵏⴰⴼⵓⴷ ⴰⵏⴰⵎⵓⵔ ⴰⵎⴰⵙⵙⴰⵏ www.taamir.gov.ma.

ⴹⴰⵕⵜ ⵎⴰ ⵉⵙⵍⵎⴷ ⵉⵎⵉⵔⵏ ⵉⴳⵊⴷⴰⵏⵏ ⵏ ⵜⴱⵖⵓⵔⵜ ⵏ ⵉⵙⴳⴳⵯⴰⵙⵏ 2023 ⴷ 2024, ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏ 2025 ⴷ ⵓⵖⴰⵡⴰⵙ ⴰⵎⴰⵣⵡⴰⵔⵓ 2026-2028, ⴷ ⴹⴰⵕⵜ ⵢⴰⵏ ⵓⵎⵙⴰⵡⴰⵍ ⵉⵖⵣⵣⵉⴼⵏ, ⵉⵇⴱⵍ ⵓⵙⵇⵇⵉⵎ ⴰⵏⴱⴱⴰⴹ ⵉⵏⵇⵇⵉⵙⵏ ⴰⵍⴰⵖⴰ ⴷ ⴰⴷⵔⵉⵎ, ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵙⵏⵓⵔⴰⵢⵜ ⴷ ⵓⵙⵏⴼⴰⵕ ⵏ ⵜⵙⵎⵉⴹⵉ ⵏⵏⵙ ⵏ ⵓⵙⴳⴳⵯⴰⵙ 2025, ⴷ ⵉⵡⵍⵍⵉⵡⵏ ⵉⵜⵜⵓⵙⵙⵏⵎⴰⵍⴰⵏ ⵅⴼ. ⴳ ⵜⴳⵉⵔⴰ, ⵜⵜⵓⵖⵔⴰ ⵢⴰⵜ ⵜⴱⵕⴰⵜ ⵏ ⵜⵉⵎⵎⴰⵙⵙⵏⵜ ⵉⵜⵜⵡⴰⵣⵏⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ ⵉⵃⴹⵓ ⵜ.