ⴰⵙⵏⴼⵍ ⴰⵎⵓⵟⵟⵓⵏ

ⴳ ⵓⵎⴰⴹⴰⵍ ⵉⵜⵜⴱⴻⴷⴷⴰⵍⵏ ⴰⴱⴷⴰ, ⴰⵙⵏⴼⵍ ⴰⵎⵓⵟⵟⵓⵏ ⵉⴳⴰ ⵜⴰⵎⵔⵏⵉⵡⵜ ⵓⵔ ⵉⵜⵜⵡⴰⵙⵏⵓⴱⴳⵏ ⵉ ⵜⵎⵔⵙⴰⵍ ⵏ ⵓⴳⵔⴰⵡ ⴰⴳⴷⵓⴷⴰⵏ ⵣⵓⵏⴷ ⵜⴰⵙⵏⵓⵔⴰⵢⵜ ⵜⴰⵖⵔⵎⴰⵏⵜ ⵏ ⵜⵉⵟⵟⴰⵡⵉⵏ. ⵙ ⵓⵎⵏⵉⴷ ⴰⴷ, ⴷ ⴰⴼⴰⴷ ⴰⴷ ⵜⵙⵙⵉⵡⴹ ⵉ ⵜⵙⵓⵜⵍⵉⵏ ⵏ ⵓⵙⵍⴳⵏ n°31.13 ⵅⴼ ⵓⵣⵔⴼ ⵏ ⵓⴽⵛⵛⵓⵎ ⵖⵔ ⵓⵏⵖⵎⵉⵙ, ⵜⴱⴷⴰ ⵜⵙⵏⵓⵔⴰⵢⵜ ⵜⴰⵖⵔⵎⴰⵏⵜ ⵏ ⵜⵉⵟⵟⴰⵡⵉⵏ ⴰⵙⴳⴳⵯⴰⵙ ⴰⴷ ⴰⵙⵏⴼⵍ ⴰⵎⵇⵇⵔⴰⵏ ⵏ ⵓⵙⵉⵜ ⵏⵏⵙ ⴰⵡⵉⴱ. ⴰⵙⵎⵙⴰⵙⴰ ⴰⴷ ⵉⵙⵡⵓⵔⵉ ⴰⴷ ⵉⴼⴽ ⵢⴰⵏ ⵓⵙⵉⵜ ⵉⴼⵙⵓⵙⵏ, ⴰⵜⵔⴰⵔ ⴷ ⵉⵎⴽⵏ ⴰⴷ ⵜ ⴽⵛⵎⵏ ⴰⴽⴽ ⵉⵏⵔⵣⴰⴼ ⵏⵏⵙ.

ⴰⵏⴰⴳⵔⴰⵡ ⴰⵎⴰⵢⵏⵓ ⴰⴷ ⵉⴳⴰ ⵜⴰⵏⴰⴼⵓⵜ ⵏ ⵓⵎⵢⴰⵡⴰⴹ ⵉⴼⴼⴰⵖⵏ ⴷ ⵉⵎⵙⴰⵙⴰⵏ, ⵉⵜⵜⴰⵔⴰ ⴰⴷ ⵉⵙⵎⵓⵙⵙⵓ ⴰⴳⵏⵙⵓ ⵏ ⵜⴰⵙⵏⵉⵡⵉⵏ ⴷ ⴰⴷ ⵉⵙⵙⴱⵖⵔ ⴰⵙⴳⵎⵉ. ⴰⵢⴰ ⵉⵜⵜⵓⵙⴽⴰⵔ ⵙ ⵓⵙⵎⵓⵜⵜⴳ ⵏ ⵉⵏⴰⴳⵔⴰⵡⵏ ⵉⵎⵓⵟⵟⵓⵏⵏ ⴷ ⵜⵏⴰⴼⵓⵜⵉⵏ ⵉⵍⵉⵏⵉⵏ ⵅⴼ ⵓⵣⵟⵟⴰ ⵉ ⵜⵉⴳⴰⵡⵉⵏ ⵜⵉⵎⵥⵍⴰⵏⵉⵏ ⵏ AUTé.

ⵜⴰⵖⴰⵔⴰ

ⵜⵙⵙⵉⵡⴹ ⵜⵙⵏⵓⵔⴰⵢⵜ ⵜⴰⵖⵔⵎⴰⵏⵜ ⵏ ⵜⵉⵟⵟⴰⵡⵉⵏ ⴰⴷ ⵜⴰⵎⵥ ⴰⵙⵍⴽⵏ ⵏ ⵓⵏⴰⴳⵔⴰⵡ ⵏⵏⵙ ⵏ ⵓⵙⵎⵓⴷⵙ ⵏ ⵜⵖⴰⵔⴰ (SMQ) ⵙ ⵜⵙⵓⵜⵍⵉⵏ ⵏ ⵓⵎⵙⵓⴹⴼ ISO 9001 (ⵍⵇⵉⵙ ⵏ 2015) ⴷⴼⴼⵉⵔ ⵓⵙⵍⴽⵉⵏ ⵏ ⵉⵎⵙⵙⵓⴷⵙⵏ ⵏⵏⵙ ⵉⵜⵜⵓⵙⴽⴰⵔⵏ ⴳ 28 ⴷ 29 ⵎⴰⵕⵚ 2018 ⵙⴳ ⵉⴳⵏⵙⴰⵙ ⵏ MOODY CERTIFICATION MAROC.

ⴰⵙⵍⴽⵏ ⴰⴷ ⵙ ⵓⵎⵙⵓⴹⴼ ⴰⵎⴰⵢⵏⵓ ⵉⵜⵜⵎⵍ ⴰⴽⵛⵛⵓⵎ ⵏ AUTé ⴳ ⵓⴽⴰⵍⴰ ⴰⵎⵇⵇⵉⵎ ⵏ ⵓⵙⴷⵓⵙ ⵏ ⵓⵙⵏⴱⴹⵉ, ⴷ ⵜⵉⴳⵉⵔⴰ ⴷ ⵜⵎⵙⴽⴰⵏⵜ ⵏ ⵓⵏⴰⴳⵔⴰⵡ ⵏ ⵓⵙⵎⵓⴷⵙ ⴰⴼⴰⴷ ⴰⴷ ⵉⵎⵙⴰⵙⴰ ⴷ ⵉⵍⵓⴳⴰⵏ ⵉⴼⵓⵍⴽⵉⵏ ⴳ ⵓⵙⴼⵔⵃ ⵏ ⵉⵎⵙⵖⴰⵏ.

ⵜⴰⵏⵏⵓⴱⴹⵉⵜ ⵏⵏⵖ ⴷ ⴰⴷ ⵏⴽⴻⵎⵎⵍ ⴰⴷ ⵏⵙⵙⴼⵔⵃ ⵉⵙⵓⵜⵍⵏ ⵏ ⵉⵎⵣⴷⴰⵖ ⵏⵏⵖ ⴷ ⵉⵎⴷⵔⴰⵡⵏ ⵏⵏⵖ, ⵏⵜⵜⴰⴷⵊⴰ ⴰⴱⴷⴰ ⴰⴷ ⵏⵙⵎⵖⵓⵔ ⵉⴱⵔⵉⴷⵏ ⵏⵏⵖ ⵏ ⵓⵎⵢⴰⵡⴰⴹ ⴷ ⴰⴷ ⵏⵙⵙⴽⵏ ⵜⴰⵙⵏⵓⵔⴰⵢⵜ ⵏⵏⵖ ⴷ ⵜⴰⵙⵏⵓⵔⴰⵢⵜ ⵜⴰⵏⴰⵎⵓⵔⵜ.